Ambohidratrimo : Trano telo norobain’ny jiolahy

Jacaranda

Ny alin’ny alarobia hifoha alakamisy, nisehoana fandrobana intelo nisesy teny Anosiala Ambohidratrimo. Andian-jiolahy nirongo basy no nanafika trano telo be izao. Nitovy hatrany ny fomba nidiran’izy ireo ny trano. Tao amin’ny voalaohany, nopitsohany ny varavarana ary teo izy no niditra. Tsy sahy nihetsika, na dia nahare ny fahatongavany aza, ny tao an-trano. Rehefa azony izay nilainy dia lasa nifindra toerana tsy dia lavitra loatra teo ry zalahy. Dia nitovy tao amin’ilay voaloahany ihany. Rehefa azony ny vola dia nikisaka tany amin’ny tanàna iray hafa indray izy ireo. Teo am-pisokirana ny varavarana ry zalahy no nisy nahita. Avy hatrany dia nanapoaka basy ireo nahita ireo. Raha vao nahare izany ireo jiolahy dia tsy nisy nijanona fa lasa nandositra avy hatrany. Efa mandeha ny fanadihadiana ataon’ny mpitandro filaminana.

r.s.

Telma Fibre Vibe

Share This Post