Imamba : Fiara nentina nanao kidnapping hitan’ny polisy



Jacaranda

Naharay vaovao ny polisy avy misahana ny heloka be vava fa misy fiara iray R 21 teny amin’ny manodidina an’Imamba. Rehefa nandeha ny fanadihadiana dia tombanana fa nampiasaina tamin’ny fakana an-keriny karàna ity fiara ity ary rehefa vita izay nilana azy dia napetraka teny amin’io toerana io. Mitohy hatrany araka izany ny famotorana ataon’ireo misahana manokana ny fangalana olona an-keriny amin’izao fotoana izao. Ny farany teo moa dia fantatra fa efa navotsotr’ireo jiolahy ilay teratany karàna nalain’izy ireo. Hatramin’izao anefa, tsy fantatra marina izay vola nomena an’ireo jiolahy.

r.s.

Share This Post