Andilamena : Jiolahy nanao hala-botry



Jacaranda

Ny alarobia lasa teo tany ho any amin’ny sivy ora alina tany no nanafika tanana tao Ambohitradala-Andilamena ireto jiolahy miisa efatra izay mirongo fiadiana toy ny basim-borona sy basy vita gasy. Tokantrano iray no lasibatra tamin’izany ka raha vao niditra ny tokonam-baravarana ry zalahy dia tonga dia nanapoaka basy indroa, tsy nisy nahahetsika ny tao an-tanàna raha vao naheno ity feom-basy fa dia toran-kovitra avy hatrany. Raha vao tafiditra tao an-trano izy efa-dahy dia ny vola hatrany no notakiany tamin’ireto tompon-trano, lasan’izy ireo tamin’izany moa ny vola mitentina 110.000ar , vilia telo , poketra telo ary vatosoa 200g.

Tonga teny an-toerana moa ny borigady tany an-toerana ka mbola nahita vodim-bala calibre 12, efa nisy moa lehilahy iray notanana nanaovana fanadihadiana satria ahiahina ho isan’ireo efa-dahy nandray anjara tamin’ny fanafihana. Efa mitohy ny famotorana ka ho hita eo izay mety ho fisamborana ireto jiolahy tadiavina ireto.

ALEM

Share This Post