Miarinarivo : Lasa ny Ar.7 tapitrisa, voakapa famaky ny loha

Jacaranda

Jiolahy efatra nitondra famaky sy antsy lava no tonga nanafika tokantrano iray tao amin’ny fokontany iray antsoina hoe Imady, distrika Miarinarivo. Ny maraim-ben’ny asabotsy tokony ho tamin’ny iray ora sy sasany maraina no nisehoan’ity asan-jiolahy ity. Lasa ny vola mitentina fito tapitrisa ariary raha araka ny fanazavana azo avy amin’ny mpitandro ny filaminana. Nampiasa herisetra ny jiolahy ary isan’ny naratra mafy tamin’izany ny raim-pianakaviana tao amin’ilay tokatrano. Vaky nokapain’ireo olon-dratsy tamin’ny famaky ny lohany. Novonjena faran’izay maika tany amin’ny toeram-pitsaboana io rangahy io vao lasa ny jiolahy nanafika azy. Avotra ihany ny ainy raha araka ny vaovao nampitaina taminay.

D.R

Share This Post