Toliara : Ramatoa notondraham-badiny asidra

Raikitra ny ady tamin’ireto mpivady, ny alarobia alina teo. Tsy nahatsindry fo nentin-katezerana rangahy, ka naka asidra ary nanondraka izany am-badiny. Nitsovaka may ny vatan-dramatoa (tanàna, tratra sy ambany kibo) ary tsy tafatsangana intsony, ka nentina haingana namonjy tobim-pahasalamana. Raha hiverenana ny tantara, dia miady matetika ireto mpivady, hoy ireo manodidina. Mivavaka amin’ny fiangonana zandriny (sekta) ramatoa, ary matetika alina foana vao tafody ao an-trano, fa mamonjy alim-bavaka. Ny ao an-trano voarara tsy mahazo mihinana, fa mifady hena kisoa (biby maloto hono) miampy sakafo hafa. Nilaza ramatoa avy tany am-piangonany fa misy devoly rangahy vadiny ka tokony hametrahan-tànana. Tezitra tamin’ny famingavingana azy ity farany ka raikitra ny fifamaliana tamin’ireto mpivady. Raha ny vaovao voaray omaly antoandro, dia hitory am-badiny ramatoa tamin’ny herisetra nihatra taminy ary hangataka fisaram-panambadiana eny amin’ny fitsarana. Mampisara-bazana ity resaka finoana ity eto amintsika ary samy tokony hitandrina ny rehetra.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.