Fort Dauphin : Mitobaka eny antsena ny entana lany daty

Entana maro toy ny: biscuits, ronono, bonbons, sy kojakoja madinika maro samihafa efa lany daty, no mitobaka ao an-drenivohitra Anosy amin’izao. Ireo labotika mpivarotra ambogadiny no tsikaritra amin’izany. Tsy mijanona fotsiny eny amin’ireo mpamongady fa hatrany amin’ireo mpaninjara ihany koa. Ireo mpividy entana eny amoron-dàlana , samy mitondra faisana avokoa, indrindra ireo kilonga mpividy “biscuits sy bonbons”. Mazana  amidy amin’ny vidiny ambany ireo entana efa simba ireo, mba tsy hahafatiantoka be loatra. Sitrany ahay…. Mihazakazaka ireo tambanivolo  mividy ireo entana mora. Hoan’ireo sendra ireo “bonbons sy biscuits” mora vidy , betsaka no marary kibo sy mivalana. Ny fanadihadiana ihany no nahafantarana, fa tsy ao Fort Dauphin ihany no  ahitana ity sehon-javatra ity, fa hatrany amin’ireo distrika roa hafa: Amboasary Antsimo sy Betroka.Tsy heno ary tsy andrenesam-peo ny tomponandraikitry ny varotra any Anosy. Mbola ilaina ny fanentanana ny mponina amin’ny haino aman-jery. Raha izao no mitohy mety hisy fiantraikany amin’ny fahasalaman’ny mponina.

Rfa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.