Atsimo Andrefana – Befotaka Atsimo : Olona fito maty voatifitra, omby 90 mahery lasan’ny dahalo

Jacaranda

Nitrangana fanafihan-dahalo mahery vaika indray tany amin’ny distrikan’i Befotaka Atsimo, tsy lavitra ny sisin-tany mampisaraka azy amin’ny distrikan’ Ampanihy Andrefana, ny faran’ny herinandro teo. Raha ny vaovao voaray dia olona fito no namoy ny ainy tao Betsaponga Analamainty, ary omby 90 mahery no lasan’ny dahalo 30 lahy nitondra fitaovam-piadiana, ka ny omby miisa 25 amin’ireo omby very an’ny Lehiben’ny Fokontany Ambalarano, any amin’ny Kaominina Manambondro. Nampandrenesina ny mpitandro filaminana taorian’ny fanafihana, ka raikitra avy hatrany ny fanarahan-dia nataon’ny zandary nampian’ireo fokonolona. Nisy ny fifandonana tamin’ireo malaso, ka teo no nahalavo ireo olona miisa fito. Raha ny fanampim-baovao dia olana ho an’ireo mpitandro ny filaminana manao ny fanarahan-dia foana ny tsy fahampian’ny fitaovana sy isa.

Eric Manitrisa

Blueline Air Fiber

Share This Post

One Comment - Write a Comment

  1. On ne parle que des MORTS d’homme liées à l’insécurité où les dahalo ont fait parler d’EUX, dans cette partie Sud de la grande île. Insécurité hier, insécurité aujourd’hui, et DEMAIN? Et l’Autorité, où êtes-vous?

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.