Toliara : Taolam-paty roa gony, hitan’ankizy tao anaty lobolobo

Jacaranda

Taolam-paty roa gony napetraka olon-tsy fantatra tao anaty lakandrano maina feno lobolobo, no hitan’ankizy nilalao, tany amin’ny kaominina Mihary, distrikan’i Toliara II, afak’omaly antoandro. Taitra ireto andian’ ankizy maromaro nanao kiafinafina raha nahita gony lehibe roa feno zavatra hafahafa. Nosavain’izy ireo, kay taolam-paty no tao. Nampandre ny rainy ny zavatra hitany avy hatrany ny ankizy iray. Ny ray aman-drenin’io zaza io indray avy eo no niantso ny sefo fokontany nijery ny zava-nisy. Rehefa vita ny « constat » nataon’ny mpitandro filaminana, dia nalevina avy hatrany tamin’ny fasam-bahiny ireo taolam-paty. Raha ny vaovao azo farany, mbola tsy fantatra ny nahavanon-doza, ary ny teny amin’ny tanàna manodidina koa tsy nandrenesana vaky fasana.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.