Vangaindrano : Zanaka ben’ny tanàna roa vavy nataon’ny jiolahy takalonaina

Tokantrano iray an’ny ben’ny tanànan’ny Kaominina Antanimbary teo aloha, any amin’ny distrikan’i Vangaindrano, no notafihan’andian-jiolahy mitam-basy, ny talata tokony ho tamin’ny 3 ora maraina. Norobain’ireo jiolahy avokoa ny ankamaroan’ny entana tao amin’ny toeram-pivarotana rihana ambany. Izay tsy zakan’ ireo mpandroba dia nopotehiny. Niakatra tao amin’ny rihana ambony, efitrano fatoriana ny sasany tamin’ireo jiolahy avy eo, ary naka an-keriny tovovavy  roa : 16 taona sy 18 taona, izay zanaky ny tompon-trano, nentin’ireo jiolahy nanaraka azy. Rehefa dify ireo mpandroba sy mpaka an-keriny dia niantso mpitandro ny filaminana ny renin’ireo zaza. Raikitra ny fanarahan-dia taorian’izay. Vao nandeha tsy ampy 1 km miala ny tanàna anefa ireo zandary nanao fanarahan-dia dia nahita ireo ankizy nipetraka teo amoron-dàlana, salama tsara tsy nahitana ratra na endrika fanolanana ny tenan’izy ireo. Tsy hita kosa izay nanjavonan’ireo jiolahy ka mbola karohina hatramin’izao, raha ny vaovao voaray.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.