Morombe : Mpiandry omby maty lanin’ny voay

Jacaranda

Zazalahy niara-niandry omby tamin’ny zokiny no lanin’ny voay, ny zoma teo, tany amin’ny reniranon’i Mangoky, any amin’ny distrikan’i Morombe, ary mbola tsy hita ny razana. Raha ny vaovao voaray dia niara-nandro tamin’ny namany ity zazalahy ity. Nanao antsikafona sy ankisitrika izy telolahy. Tany dia tsy nipoitra intsony ity zazalahy, fa ny rà niboiboika nivoaka avy tao anaty rano no nanaitra an’ireto namany. Teo vao fantatra fa nanandrify lava-boay no nisitrihany ka narapak’ity biby mamba noana. Raha ny fantatra dia matetika mamono olona ity renirano masia-boay ity, indrindra amin’izao fotoana mafana fiantombohan’ny taom-pahavaratra izao. Lasibatra foana ny olona mandro na miampita amin’ity renirano lehibe ity, nefa ny mponina any matahotra mamono voay noho ny fomban-tany.

Eric Manitrisa

Telma Fibre Vibe

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.