Fianarantsoa : Rongony 47 gony tratran’ny polisy

Jacaranda

Rongony tao anatina gony hatrany amin’ny 47 ary milanja 611 kg no tratran’ny polisy avy ao Fianarantsoa ny zoma 29 oktobra teo tamin’ny 3 ora. Tao anaty kamiao iray avy any Toliara no nisy ireto rongony be dia be ireto. Teo amin’ny barazy Ankofafa no sarona ny nafenina. Nosamborina ny mpamily an’io fiarabe io. Tamin’ny fanadihadiana natao azy dia nilaza ity olona ity, fa azy ny “entana” izay nalainy tany Toliara. Efa nampidirina any am-ponja vonjimaika ity olona ity.  Ireo rongony tratra kosa dia efa nodorana daholo. Anisan’ny nahazoana izao vokatra izao ny baiko midina avy amin’ny tompon’andrikitra ambony ao amin’ny polisim-pirenena. Nohamafisina araka izany ny fisavana eny an-dàlana, satria dia manjaka loatra ny tsy fandriampahalemana. Anisan’ny mampirongatra izany, ny fianahan’ny zava-mahadomelina isan-karazany.

r.s.

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.