Alaotra : Kalachnikov 3 azon’ny zandary

Mitombo hatrany ny vaky vala sy ny fanafihana mitam-piadiana izay mitranga aty Alaotra amin’izao fotoana izao  .Mandry tsy lavoloha hatrany ireo vahoaka eny Ambanivolo noho ny tsy fitovian’ny fitaovam-piadiana ampiasaina, satria raha lefona sy famaky ny an’ny vahoaka dia mampiasa fitaovam-piadiana maherivaika ny jiolahy .Noho ny ezaky ny mpitandro ny filaminana dia manomboka hita soritra ireo olo-maventy mamatsy ireny fitaovam-piadiana ireny, satria mahatratra 3 amin’izao fotoana izao ireo kalaknikov sarona ka voaray eny amin’ny tobin’ny zandary .Araka ny loharanom-baovao voaray hatrany dia manomboka fantatra amin’ny laharan’ireny basy ireny ny toerana nivoahan’ny basy  sy ireo bala miaraka aminy. Ao ny an’ny miaramila, ny an’ny  zandary,   ka tokony hahafantarana  ireo mivarotra ireny basy maherivaika ireny  sy ny nivoahany. Ny fanadihadiana anefa no manamarina izany ka tokony tsy hatao ambanin-javatra izany.

Janus R

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.