Sambava : Tovolahy tratra nangalatra lavanila maitso 14kg



Jacaranda

Nirongatra tato ho ato ny halatra lavanila mbola manta any amin’ny distrikan’i Sambava. Afak’omaly, tany Antsahalalina Kaominina ambanivohitra Ambohimalaza, tovolahy iray, tra-tehaky nangalatra lavanila maitso milanja 14kg no efa voatango natao anaty gony no saika matin’ny fitsaram-bahoaka. Raha ny vaovao voaray dia teo am-pangalarana mihitsy ity tovolahy ity no nifanehatra tamin’ny tompon’ilay tanimboly izay sendra handeha hiambina  ny tanin-davaniliny ka dia noraisim-potsiny. Niantso ny fokonolona avy hatrany ilay tompon’ny lavanila. Raikitra avy hatrany ny daroka sy vono ary naterin’ny ben’ny tanànan’ Ambohimalaza haingana tany amin’ny mpitandro filaminana ilay tovolahy mpangalatra mba ho fiarovana ny ainy noho ny hatezeram-bahoaka.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.