Toliara : Nitolo-batana ilay miaramila nahafaty ny zaobaviny


Miaramila iray mitondra ny grady serzà sefo no namono nahafaty nitifitra tamin’ny basy kalachnikov ny zaobaviny izay kilemanina, ny zoma antoandro teo, tokony ho tamin’ny iray ora, tao amin’ny fokontany Tsokobory Toliara. Niboraka mihitsy ny tsinain’ity ramatoa voatifitra, satria bala telo no niantefa teo amin’ny kibony, hoy ny vaovao azo. Noho ny fahaverezan-drà be loatra dia namoy ny ainy ity renim-pianakaviana rehefa tonga tao amin’ny hopitaliben’i Toliara. Nitsoaka namonjy ny toby iasany kosa avy eo ilay miaramila nahavanon-doza, ary nalain’ny lehibeny teny an-tanànany ny basy.
Fifamaliana teo amin’ny mpivady. Ny borigadin’ny Zandary ao Tsianaloka Toliara no mandray an-tanàna ny raharaha. Efa notazonina am-ponja vonjy maika ity miaramila serzà sefo nandatsaka ain’olona miandry ny fotoam-pitsarana azy. Raha ny fanazavana voaray dia nanomboka ny alakamisy hariva ny adin’ ity miaramila ity sy ny vadiny. Nitohy ny ampitson’io ny gidragidran’izy roa, ka nananatra azy ity ramatoa kilemaina izay tsy afa-nihetsika, nefa tifitra variraraka no setrin’izany. Taitra noho ny feom-basy nirefotra ny teo amin’ny manodidina.
Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.