Raharaha Carion : Fanambanana basy mpanao gazety, nahazo fahafahana vonjy maika ny roa tonta

Omaly no niakatra teny amin’ny Fampanohavana teny Anosy ilay raharaha niseho teny amin’ny faritry Carion nanambanana basy mpanao gazety iray. Samy nahazo fahafahana vonjy maika ny roa tonta ary amin’ny faha-6 aprily ho avy izao ny fotoam-pitsarana. Marihina fa samy tsy nanaiky ho diso ny andaniny sy ny ankilany. Fifampisongonana tamin’ny fiara nentin’izy ireo no niantombohan’ny ady. Nisy ny fanompana avy amin’ny fanairana nataon’ilay nanambana basy ary izany no fantatra fa tsy zakan’ilay mpanao gazety. Avy hatrany dia nisy ny fifamaliana, famelezana totohondry sy fampitahorana narahana fanambanana basy . Rehefa vita ny fanadihadiana nataon’ny mpitandro filaminana, fantatra fa nogiazana aloha ilay basy. Tonga nanotrona sy nanaraka ity raharaha ity teny an-toerana avokoa moa ny mpanao gazety rehetra ka andrasana eto indray ny tohiny.

r.s.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.