Vohipeno : Sivy mianadahy mpangalatra lakolosim-piangonana , naiditra am-ponja

Sivy mianadahy no voasambotry ny mpitandro filaminana tany Manakara, tompon’antoka tamin’ny fangalarana lakolosim-piangonana Ekar Katolika tao Vohipeno. Ny volana febroary lasa teo, raha ny vaovao voaray, dia nisesisesy ny halatra lakolosy tany an-toerana. Nametraka fitarainana ireo fiangonana lasibatra ka raikitra avy hatrany ny fikarohana an’ ireo olon- dratsy; izay nataon’ ny mpitandro filaminana. Noho ny fanomezam-baovao marim-pototra avy tamin’ olona tsara sitrapo dia tra-tehaka tany amin’ ny fokontany Ranomena Distrikan’ i Manakara ireo mpangalatra, mpividy halatra ary ireo mpitady mpividy lakolosim-piangonana  mpiray tsikombakomba tamin’ ireo jiolahy. Afak’omaly no niakatra Fitsarana ny raharaha, ka samy naiditra am-ponja vonjimaika izy sivy mianadahy miandry ny fotoam-pitsarana azy ireo.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.