Ambohimanarina : Trano fivarotana mofomamy main’ny afon’ny “fil”-ny JIRAMA

AMBOHIMANARINAMitohy ihany koa ny resaka hain-trano. Omaly, tokony ho tamin’ny 4 ora sy sasany hariva, trano fivarotana mofomamy iray eny Ambohimanarina no nirehitra. Raha ny fanazavana azonay dia noho ny fahatapahan’ny “fil” tamin’ny “conducteur” amin’ny “poteau” an’i Jirama iray manoloana ny fivarotana no fototry ny afo. Nikasoka avy hatrany tamin’ny tafon’ilay fivarota-mofo izany ka nandrehitra azy noho ny herinaratra. Manoloana izany, nanamarika ireo manodidina monina eny amin’iny faritra iny fa efa ela ihany no nahasimba io “fil” io saingy tsy nisy ny fandraisana an-tànana izany ka izao niafara tamin’ny loza mahatsiravina izao. Tonga teny an-toerana ny “pompiers” nisahana ny famonoana ny afo. Voatery notapahina ihany koa ny herinaratra tany amin’iny faritra iny hisorohana ny mety ho fiparitahan’ny afo. Ankoatra izay, niteraka fitohanan’ny fifamoivoizana nandritra ny ora maro ihany koa ity fahamaizan’ny trano fivarotana mofomamy teny Ambohimanarina ity.

Niony H.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.