Toliara : Mpanampy an-trano, may kila nipoahan’ny gaz

Tovovavy iray manodidina ny 24 taona, mpanampy an-trano, no may kila nipoahan’ny gaz, omaly tokony ho tamin’ny 10 ora, tao Tanambao Toliara. Saika hotohoton’ny afo ihany koa ilay tranobe raha tsy nalaky voavonjy haingana. Raha ny vaovao voaray, dia menaka may tamina  saba nianjera saika hanendasana trondro no niteraka ny firehetana tao an-dakozia. Ilay tovovavy kosa amin’io variana manadio ny lalan-tsara. Taitra izy raha nahita ny afo efa nijoalajoala sy ny setroka be, ka iny saika hamono ny afo hanondraka rano iny no nipoaka ilay entona fandrehitra ka nandoro ny vatany ambony. Niantso vonjy avy hatrany ilay mpanampy ka vetivety dia voafehin’ny manodidina ny afo nanomboka nandady tamin’ny vatan-drindrina tamin’ny efitrano hafa. Tsy tao an-toerana ny tompon-trano tamin’ny fotoana nisehoan’ny loza, fa ilay mpanampy irery no tao.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.