Ampandrana : « 4×4 » nifaoka moto, nirifatra lasa nitsoaka

Saika nitrangana lozam-pifamoivoizana mahatsiravina indray teto an-drenivohitra. “Moto scooter” iray sendra nandeha, noho ny làlana malaman’ny orana, no nofaohin’ny fiara tsy mataho-dàlana iray. Soa fa nahay niala kosa ilay nitondra ilay “moto” ka voasoroka ny loza. Tsy naratra ny tenany saingy folaka noho ny fianjerany. Ilay “moto” kosa, izay nipitika efa ho 5 metatra niala teo amin’ny toerana naha-voadona azy dia potika tanteraka tsy nisy nahafantarana azy intsony. Tetsy ankilany, ilay fiara nandona kosa tsy mba nijanona nijery ny nanjo ity olona niharan-doza fa avy hatrany dia rifatra lasa nitsoaka. Tsy fantatra mazava raha natahotra ny ho fisian’ny fitsaram-bahoaka ity farany na efa tena fanamparam-pahefana tsotra izao no nahatonga azy tsy nandray ny andraikitra tandrify azy. Ireo rehetra nanatri-maso ny zava-niseho samy tsy nisy nankasitraka ny fitsoahan’ity mpamily “4×4” ity. Manoloana izany dia nanapa-kevitra ny hametraka fitoriana ny tompon’ilay “moto” voadona.

Niony H.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.