Ambohidratrimo : Lehilahy nofaohin’ny kamiô, maty nipotsaka atidoha

Aina iray indray no nafoy tamin’iny lalam-pirenena fahefatra iny ny alakamisy hariva lasa teo. Lehilahy iray manodidina ny 30 taona teo ho eo no maty tsy tra-drano rehefa avy nodomina kamiô, teny amin’iny faritra Alakamisy  Ambohidratrimo iny. Mafy dia mafy ny dona nahazo azy, raha ny fampitam-baovao azo satria dia nipitika lavitra ny toerana nahavoadona azy izy, ary nitsikasina tamin’ny tany. Vaky, niparasaraka tanteraka ny lohany, ary niparitaka teny amin’ny arabe ny atidohany.  Araka ny  fantatra dia toa hoe karazan’irony mpivarotra finday amoron-dalana itony ity tovolahy ity. Tamin’ny fotoana nisehoan’ny loza dia nisy saika hividy finday teo aminy. Tsy fantatra anefa izay niseho fa niafara fifamaliana ny ady varotra, ary  tonga hatramin’ny fikasihan-tanana mihitsy. Voatosika teny amin’ny arabe ity ranamana ity, kanjo tamin’izay fotoana izay no sendra nipoitra tampoka avy any ny fiarabe iray nandeha mafy. Voafaoka teo amin’ny andilany izy, raha ny vaovao hatrany ary nipitika nony avy eo, ka ny lohany no niakarapoka mafy tamin’ny arabe. Nandriaka ny rà, ary teo noho eo ihany dia namoy ny ainy ilay voadona. Efa nomena ny fianakaviana moa ny razana. Fantatra kosa fa notazomina natao fanadihadiana eny anivon’ny mpitandro filaminana ny mpamilin’ilay fiara.

Nangonin’i m.L

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.