Ambohangibe : Moto 2 nifandona, samy tapa-tongotra ny roa tonta

Nisehoana lozam-pifamoivoizana indray teny amin’iny faritra Ambohangibe iny,  omaly tolak’andro tokony ho tamin’ny  iray ora latsaka fahefany teo. Ny loharanom-baovao hatrany no nahafantarana fa moto 2 no nifandona mafy. Vokany, samy tapaka ny tongotry ny roa tonta, na ny andaniny na ny ankilany. Teo ihany koa ny filazana fa simba tanteraka ihany koa ireto moto roa ireto.  Samy voa mafy tokoa ny roa tonta. Araka ny vaovao voaray dia voalaza fa samy nandeha mafy avokoa ireto moto 2 ireto, ka teo amin’ny fifanapahan-dalana no nifandona. Teo no niteraka ny loza. Tsy nisy nifanome tsiny moa izy ireo fa samy nahatsapa ny tenany ho diso avokoa ny tsirairay  ka samy nitsabo ny tenany tsy nisy rohirohy. Ny vatana naratra no nisy nandritra ity loza ity fa ny aina nafoy kosa tsy nisy. Efa samy manohy ny fitsaboana eny amin’ny hopitaly moa ireto naratra ireto amin’izao fotoana izao .

FINARITRA RAKOTO (Stagiaire)

Suivez-nous aussi sur Facebook

Partager cette publication

Poster un commentaire