Ambanidia : Ramatoa, maty tampoka teny an-dalana

 Efa maro tato ho ato, ireo olona no maty tampoka any an-dalana, izay tsy fantatra na matin’ny inona ? Omaly , antoandro be nanahary no nitsirara teny amin’ny faritra Ambanidia ity , renim-pianankaviana ity , izay voalaza fa sahabo eo amin’ny 40 taona eo. Araka ny loharanom-baovao voaray dia voalaza fa tsy fantatra izay tena antony nahafaty azy ity fa, dia ny fokonolona efa nitangorona no hita teny an-toerana. Ny loharanom-baovao no nahafantarana fa manana zanaka roa kely ity ramatoa ity , ary manam-bady ihany koa , saingy noho ny hasarotrin’ny fiainanan dia tsy maintsy mandeha mitady vola kosa ity ramatoa ity. Araka ny voalaza an’ireo nanatri-maso dia mety ho harerahana diso tafahoatra no nahazo ity ramatoa ity. Teo ihany koa ny nanambara fa matin’ny hanohanana izy. « Talohan‘ny nahafatesany dia , mbola nilaza ny haka aina kely izy  fa hoe reraka, rehefa nandeha anefa ny lera dia efa tsy nihiratra intsony ny masony», hoy hatrany ny fitantaran’ireo  nanatri-maso teny an-toerana. Mbola novelomin’ireo olona teny an-toerana moa ity ramatoa ity , saingy efa tsy avotra intsony ny ainy. Fantatra fa tonga teny an-toerana ireo polisy , nanao ny asany mikasika ity raharah ity, ary nisy ny nanambara fa hatramin’ireo polisy aza mbola nifandrimbona namelona azy. Efa tonga teny an-toerana kosa ny teo anivon’ny BMH , nanao ny fikarakarana ny razana.

FINARITRA RAKOTO (Stagiaire)

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.