Toliara : Mpangalatra « moto » saika matin’ny olona

Jacaranda

Ela nanaovan-dratsy sy nambotrina vahoaka, ka sendra ny nahay azy. Tovolahy iray 25 taona eo ho eo, izay tra-tehaka saika hangalatra “ moto ” no naratra mafy saika matin’ny olona, omaly antoandro, tokony ho tamin’ny 11 ora, tao Sanfily Toliara. Niantsena ny tompon’ilay moto ary napetrany teo amoron-dalana ny kodiaran-droany. Raha vao dify kely ny tompon’io soavalivy io dia tsy nisalasala ity tovolahy iray nanatona an’ ilay “ moto ”, ary namoaka fanalahidy maro avy any am-paosiny. Gaga tamin’ny fihetsik’ity tovolahy toa mahana ity ireo teo amin’ny manodidina nanatri-maso ny zava-nisy. Fitahian-janahary, niverina tampoka ny tompon’ilay “ moto ” fa handino tao anaty “boite à gant” ny vola hiantsenana ka noraisim-potsiny ilay jiolahy. Velona ny “hazolava”. Vory ny olona ka nidaroka an’ilay mpangalatra, ary voavely hazo teo amin’ny lohany ity jiolahy ka safotra, hoy ny vaovao.

 Eric Manitrisa

Telma Fibre Vibe

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.