Andoharanofotsy : Nofatoran’ireo jiolahy ny tompon-trano, lasany entana

Jacaranda

Ny alarobia lasa teo, tokantrano iray teny amin’iny faritra Andoharanofotsy iny no notafihan’ny jiolahy telo mirongo basy. Vantany vao tafiditra tao an-trano izy ireo dia nofatoran-dry zareo ny tompon-trano, ary nanao izay danin’ny kibony nibata ireo entana sy vola tao izy ireo. Araka ny fampitam-baovao azo avy amin’ny zandary dia tsy nisaron-tava velively ireto olon-dratsy ireto. Basy poleta iray kosa ny teny amin’izy ireo, nentiny nampitahorana ireo olona tao an-trano. Tokony ho tamin’ny efatra ora latsaka fahefany teo no niditra amboletra tamin’ny alalan’ny famakiana varavarana ireto olon-dratsy ireto. Noho ny basy teny an-tanany dia tsy naninona ireto mpivady, tompon-trano. Mba tsy ahafahan’izy ireo mihetsika sy miantso vonjy dia nofatoran’izy ireo tongotra aman-tanana ireto farany. Fahilavitra « ecran plat » iray, fakan-tsary, solosaina, firavaka volamena, finday, ary vola teo amin’ny efatra hetsy ariary teo no very tamin’izany. Rehefa azon-dry zalahy izay nilainy dia nitsoaka izy ireo. Taorian’izay vao afaka niantso vonjy ireo voatafika, saingy efa dila lavitra ireo olon-dratsy. Efa mandeha ny fikarohana sy famotorana ataon’ireo mpitandro filaminana.

m.L

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.