Pôlisy matin’ny fitsaram-bahoaka : Efa mandeha ny famotorana

Jacaranda

Fantatra fa, efa mandeha ny famotorana mahakasika ilay fitsaram-bahoaka nahafaty pôlisy roa, tany Ambalamanga, Befandriana avaratra, ny faran’ny herinandro teo. Natomboka tamin’ny ray aman-drenin’ireto mpitandro filaminana namoy ny ainy ireto izany, araka ny fampitam-baovao azo. Ary ny azo inoana dia hitohy amin’ireo fokonolona nandray anjara tamin’ity famonoana mpitandro filaminana ity. Tsiahivina fa, pôlisy voairaka hisambotra olona tany amin’ity tanàna ity, izay raha ny fantatra hatrany dia sady toerana lavitra andriana amina kilaometatra maromaro miala an’i Befandriana avaratra no mbola saro-dalàna rahateo. Efa vitan’izy ireo ny iraka nampanaovina, saingy nosakanan’ny olona tsy hivoaka ny tanàna izy ireo niaraka tamin’ilay olona nosamboriny. Tsy vitan’ny fisakanana fe fisakanana anefa izany, fa niaraka tamin’ny fikasihan-tànana ireo mpitandro filaminana ireto. Tora-bato, tsindrona zava-maranitra, sns ary dia iny niafara tamin’ny famoizan’izy ireo ny ainy iny. Nalain’ireto andian’olona ireto, ny basin’ireo pôlisy, saingy efa narian’izy ireo tsy lavitra ny toerana, ary efa tsy misy bala intsony. Marihana, hoy ny loharanom-baovao fa, hatramin’izao dia mbola tsy tonga ao Befandriana avaratra ny vatana mangatsiakan’ireto mpitandro filaminana namoy ny ainy ireto.

m.L

Telma Fibre Vibe

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.