Sakaraha : Tokantrano mpibizina safira voatafika, 3 tapitrisa ariary lasa

Nitrangana fanafihan-jiolahy indray tany Sakaraha, afak’omaly alina, tokony ho tamin’ny 9 ora tany ho any, ka lasan’ny jiolahy dimy nirongo basy sy zava-maranitra ny lelavola telo tapitrisa ariary niampy firavaka sy rojo volamena milanja 150 g teo ho eo. Nisaron-tava ny roa tamin’ireo jiolahy mpanafika nilanja ny basy. Teo am-pisakafoana ireto fianakaviana mpanao bizina safira ireto no niditra an-keriny tao an-trano ny efatra tamin’ireo malaso, ary avy hatrany dia nandrangaranga basy sy zava-maranitra, ka tsy afa-nihetsika noho ny tahotra sy hatairana tampoka.
Voambana basy ny iray trano. Nitaky vola avy hatrany ireo jiolahy ary nandrahona ny hamono raha misy ny manohitra. Noteren’ireo jiolahy hanoro ny fitoeram-bola ilay raim-pianakaviana tompon-trano, ka voaroba ny 3 tapitrisa Ariary, niaraka tamin’ny volamena. Raha ny fantatra, dia 20 minitra teo ho eo no nisehoan’ny fanafihana, ary tsy nisy nahatsikaritra ny asa ratsy ny teo amin’ny manodidina. Efa lasa telo minitra teo ireo dahalo vao sahy niantso vonjy ny lasibatra. Raha ny vaovao voaray, dia mitohy ny fikarohana an’ireo jiolahy tafaporitsaka.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.