Alaotra Mangoro – Ambatondrazaka : Nandrifarifa ny rivodoza Enawo ,1 no maty, an’arivony no tsy manan-kialofana

Namela takaitra mafy ho an’ny vahoaka tao Ambohitsilaozana sy ny teto Ambatondrazaka  ary ny tao Ambandrika sy Betoloho  ny rivodoza Enawo.Saika fahavakian’ny fefiloha avokoa no nahatonga ny fahavoazana,  satria raha ny tao Ambohitsilaozana dia ny ranon’i Menaloha no nivily làlana noho ny habetsahany ka ny Tanana avaratr’ Ambohitsilaozana no dibo-drano avokoa,  satria voasakan’ny làlana RN 44 ny fivoahan’ny rano ka hatrany amin’ny tendakely ny rano tao an-tanàna.Voatery novakiana nasiana lalan-drano 3 ny RN 44 hamoahana ny rano fa  raha tsy izany dia fatin’olona mikararana no hita teo hoy ny ben’ny tanànan’Ambohitsilaozana  Atoa Pascal , hatreto izany dia  renim-pianakaviana 1 no maty ary  1888 no traboina ,300 ny trano simbany tao Ambohitsilaozana  .Nanomboka tamin’ny 10 ora maraina no niakatra ny rano ka tany amin’ny 3 ora hariva vao nanomboka nihena izany  ny faha-8-n‘ny volana Marsa 2017 teo .Tahaka izany ihany koa ny tao Ambandrika  satria vaky ihany koa ny ranon’i Manamontana ka namakivaky ny tananan’Ambandrika sy  Betoloho  ka trano 9 no rava  ary trano 105 no nidiran’ny rano ,izay maro ireo traboina fa nitoby amin’ny havany avokoa .Raha ny teto amin’ny renivohitra Ambatondrazaka kosa, dia vokatry ny tsy fisian’ny lakandrano fanariana rano dia dibo-drano ny tao atsimontsena Atsimondrova ka hatrany amin’ny valahana ny rano ka nampijaly ny vahoaka  .Tonga nijery  ireo traboina tao Ambohitsilaozana ny loholon’i Madagasikara Atoa Rabenony Day,  ny  09 marsa 2017 teo  ka nanolotra  vola roa hetsy ariary hamonjena ny sakafon’ireo  traboina izay efa reraka ,teo ihany koa ny  dokotera  lehibe tao amin’ny hopitaly  handray an-tànana  maimaimpoana ho an’ireo izay mety tsy ho salama

Janus R

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.