Zandarimariam-pirenena : Ho arovana ireo tanora mpilatsaka an-tsitrapo japoney

Jacaranda

Ny alatsinainy maraina lasa teo, tonga nitsidika ny Sekreteram-panjakana miadidy ny Zandarimariam-pirenena, izay vao nandray ny asany, ny Jeneraly Andriamahavalisoa A Girard, tao amin’ny birao fiasany tetsy amin’ny Toby Jeneraly Philibert Ramarolahy, ny Masoivohon’i Japon Ichiro Ogasawara. Anisan’ny anton-dihany tamin’ity fitsidihana nataony ity ny fanamafisana ny fiarovana ireo teratany Japoney mitoetra sy mandalo eto Madagasikara, izay tsy mitsaha-mitombo ka nahatratra 50 isan-jato tato anatin’ny dimy taona farany ary indrindra ny fiarovana ireo « jeunes volontaires » ; izay miasa eto an-toerana. Nanome toky ny Sekreteram-panjakana miadidy ny Zandarimaria fa handray izay andraikitra mifanandrify azy manoloana izany ary nangataka ny fanatevenana ny fiaraha-miasan’ny roa tonta amin’ny alàlan’ny fanampiana ara-piofanana sy ara-pitaovana. Anisan’ny notsindrian’ny Sekreteram-panjakana miadidy ny Zandarimariam-pirenena manokana  ny fanamafisana ny fiaraha-miasa eo amin’i Madagasikara sy Japon amin’ny lafiny fandriampahalemana.

m.L

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.