Ambatondrazaka : Voaroba ireo fiara hihazo an’i Toamasina

Jacaranda

Nitondra faisana  ireo  fiara takisiborosy avy eto Ambatondrazaka  hihazo an’i Toamasina ny alin’ny faha   15 may 2017 lasa teo .Raha iny variana mandeha tamin’ny alina iny mantsy ireo fiara takisiborosy dia hain’ireo jiolahy ny niakatra teny ambony tafo ka nanataka ny labasy fanaronana entana sy  nanapaka ny tady,   ka nangalatra ireo entana rehetra tao ambony. Fiara  telo indray no lasan’ireo jiolahy ny entana,   raha  niala kely ny  tananan’i Brickaville ho any Toamasina  ireto fiara ireto, nanodidina ny tamin’ny 1ora sy sasany maraina tany ho any  .Niezaka nanatona ny mpitandro ny filaminana izy ireo  kanefa efa tsy hita sy nanjavona ireo dahalo  ka niala maina  . Mahagaga  ihany, hoy ireo mpamily, ny ahafahan’ireo jiolahy mihanika ny fiara, nefa efa miezaka mandeha mafy ihany ireo fiara. Araka ny fanazavana ihany dia efa manana fitaovana manokana ireo jiolahy hiakarany ny tafon’ny fiara na dia mandeha mafy aza ireo fiara  ,satria variana matory ny mpandeha ka hainy  ny manararaotra izany  .Mandeha ny fanadihadiana atao amin’izao fotoana izao satria telo tapitrisa any ho any  no tetibidin’ireo zavatra very tamin’ireo fiara telo ireo .Tokony samy ho  mailo na ny mpandeha na ny mpamily rehefa mandeha amin’ny alina ny fiara ,ka tokony hanara-maso ny manodidina  mba tsy hisian’ny loza tahaka izao fa tsy hankinina amin’ny mpamily irery izany ,mba mailo ihany fa tsy tery lalana tokoa ny mpanao ratsy.

Janus R

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.