Fari-piadidian’ny zandary Antananarivo : Naato ny fanaovana « PR » eny amin’ny lalam-pirenena

Jacaranda

Tapa-bolana teo ho eo izay no tsy nahitàna intsony zandary misava fiara, na PR eny amin’ireo lalam-pirenena mivoaka ny renivohitra ao anatin’ny fari-piadidian’ny zandary eto amin’ny faritanin’ Antananarivo. Izany, araka ny fanazavàna nomen’ny Jly Andrianjanaka Njatoarisoa, Kômandin’ny fari-piadidiam-paritan’ny zandarimaria Antananarivo (Cirgn Tana) vaovao, dia noho ny resaka ady amin’ny kolikoly izay imasoan’ny zandary amin’izao fotoana izao. Manaiky tanteraka izy ireo, fa isan’ny sehatra hanjakan’ny kolikoly tokoa ity fanaovana PR eny an-dàlana ity, ka nanapa-kevitra ny teo anivon’ny Cirgn Tana fa haato ao anatin’ny fotoana voaefatra izany, ahafahan’ireo zandary eny anivon’ireo borigady tsirairay avy mamerina mianatra sy miofana indray amin’izany fanaovana « PR » izany, mba hanaraka ny tokony ho izy. Heverina araka izany fa fomba iray ahafahana miady  amin’ny kolikoly ity fomba fijery vaovao ity. Aorian’ny fiofanana, ka hiverina amin’izany fanaovana fisavana eny an-dàlana izany izy ireo dia hisy ny fepetra henjana hampiharina amin’ireo rehetra izay mbola mitady hihoa-pefy ka hamerina ny fomba fanao taloha. Mety ho tonga hatrany amin’ny fandroahana tsy ho zandary mihitsy moa izany, araka ny fanazavana azo. Izany rehetra izany, dia isan’ny tafiditra ao anatin’ilay vinan’ny Sekreteram-panjakana miadidy ny zandary, izay vao notendrena ny amin’ny resaka fanadiovana anatiny ny andarimariam-pirenena, hiverenan’ny fitokisan’ny vahoaka amin’izy ireo indray.

m.L

Share This Post

2 Comments - Write a Comment

  1. Idem pour Toliara, que ce soit la N7 ou la N9 !!!Ahoana moa tsy ahetara hatrany.? En 2015 où j’ai séjourné de janvier à mars, il n’y avait que la Police et la Gendarmerie, depuis la station des taxibe jusqu’à Mangily, sur un trajet de 30 km, il y avait 5 PR. A mon retour en décembre 2016, j’ai remarqué la présence d’une nouvelle entité: la FIP (force d’intervention de la police) qui voulait sa “part du gàteau”, armée de kalach, le doigt sur la gàchette à “rouler la mécanique” Quelle honte.!!
    Tsisy tranon-kenetra ry zalah.!!!

  2. Nahoana no any tanà irery? Ny Rn6 dia feno PR, samy mandraoka saosy daholo. inona no mbola ilana bemôtô raha tsy hibizina?

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.