Tsimbazaza : Mpivady niady, zaza iray volana maty voatsindry

Hatairana ny an’ny mponina eny amin’ny tanànan’i Morarano ao Tsimbazaza, raha nandre fa maty tampoka ny zanak’ireto mpivady, vao iray volana monja, monina eny en-toerana. Gaga sy talanjona ny rehetra satria araka ny fantatra, dia maty voatsindrin’ireto mpivady ireto teo am-pandriana ilay zaza menavava. Araka ny fanazavan’ny havan’ny fianakavian’ny niharam-boina, raha nanatitra ny razana teny amin’ny tranom-patin’ny HJRA izy ireo, dia toa hoe niady hono ireto mpivady ireto ka nandritra izany no nahavoatsindry ilay zaza izay teo am-pandriana. Noho izany, tsy maintsy niditra an-tsehatra ny manam-pahefana raha naheno ny vaovao. Nanokatra fanadihadiana avy hatrany ny pôlisy misahana ny heloka bevava etsy Anosy rehefa avy nizaha ny razana, Noho izany, tsy maintsy nalefa eny amin’ny tranom-paty ny razana mba hanaovana fitiliana.

T.M.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.