Amparibe : Fatina fil sy fofom-banja tao anaty fanariam-pako

Nilaza ho naheno fipoahana mafy ny mponina teny amin’ny manodidina an’Amparibe sy Mahamasina ny alin’ny talata teo. Vetivety dia niely ny feo ary nisy nilaza fa nisy baomba nipoaka teny an-toerana. Rehefa nanontaniana ny mpitandro ny filaminana izay nidina teny an-toerana avy hatrany dia nanazava fa nisy fatina fil sy fofom-banja tokoa tao amin’ny fanariam-pako tsy mifanalavitra ny sekoly iray teo an-toerana. Nentina ireo zavatra hita ireo ary nisy fanadihadiana nosokafana avy hatrany mba hahafantarana ny momba izany. Raha ny fihevitra aloha dia tsy mifanalavitra amin’ny baomba vita gasy io narefotra io. Na izany aza, inona ny antony nanaovana azy tao anaty fanariam-pako raha tena tiana hapoaka tokoa ? Natao andrana sa entina hanakorontanana ny sain’olona fotsiny.

D.R

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.