Antanimena : Olona voatifitra « big boss », lasa ny « ordinateur portable »

Jacaranda

Ny « big boss » sy « matraque » dia amidy malalaka eto amintsika, noho izy io voalaza fa fitaovana natao hiarovan-tena. Ny ankamaroany anefa dia saika mitontona eny am-pelan-tanan’ny olon-dratsy izany ary tsy misalasala izy ireo mampiasa ilay izy. Toy ity nitranga teny Antanimena, ny herinandro lasa teo ity. Lehilahy no noendahina andian-jiolahy, izay niaraka tamin’ny « big boss » sy « matraque » ary antsy lava. Lasa tamin’io fotoana io ny solosaina fenti-tanana iray niaraka tamin’ny vola eo amin’ny efatra hetsy ariary teo. « Olona andeha hiakatra ho any Antanimena no narahan’izy ireo, ny sasany manenjika ao aoriana no sady manome toro-marika ny namany, nisy kosa nitsena avy any aloha, ny hafa nitifitra big-boss, ny ambiny kosa nitifitra matraque sy nitifitra totohondry ary nanambana sabatra » hoy ny vaovao. Nandray ny andraikiny avy hatrany moa ireo tompon’andraikitry ny filaminana avy tao amin’ny kaomisarian’ny boriborintany fahatelo, ka nisy roa tamin’io mpanendaka no voasambotra. Mbola nahitàna ity karazana fitaovana ampiasain’izy ireo amin’ny asa ratsiny ity moa tany amin’ireto olon-dratsy tra-tehaka ireto. Raha ny fanazavàna azo hatray dia mazàna eny amin’iny faritra 67ha, Behoririka, Antanimena sy ny manodidina iny no tena tokontany hanaovan’ireto andian-jiolahy ireto ny asa ratsiny.

m.L

Telma Fibre Vibe

Share This Post

One Comment - Write a Comment

  1. Andro am firy hono io?

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.