Roa taona an-tranomaizina : Zandary voaroaka lasa mibizina rongony

Jacaranda

Efa manefa ny saziny ao amin’ny fonjan’Ihosy ankehitriny ilay zandary voaroaka izay lasa mpibizina rongony. Roa taona an-tranomaizina ny sazy nihatra taminy rehefa nampiasa fiara nasiana takela-by zandary  izy. Izany dia nentina nitaterana rongony tany Ihorombe. Ny zokiny kosa, izay mpitandro filaminana amperin’asa ary voalaza ho tompon’ny fiara, dia nafindra toeram-piasana. Lasa any avaratra no miasa ankehitriny. Zandary teo aloha izay efa nidoboka tetsy Antanimora, Tsiafahy ny voakasik’ity raharaha ity ary isan’ny voarohirohy tamin’ny raharaha fikasàna hanongam-panjakana tamin’ny 2009. Rehefa nahavita sazy dia nivadika zavatra hafa indray ny nataony ary nifatratra tany amin’ny trafika zava-mahadomelina. Raha tsiahivina kely dia mbola nampiasa  ny fitaovana sasany an’ny mpitandro ny filaminana io zandary voaroaka io tamin’ny fotoana nisamborana azy. Isan’izany ny fanamiana ary nanenjehana azy avokoa izany rehetra izany nandritra ny raharaham-pitsarana.

D.R

Blueline Air Fiber

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.