Mananjary : Dimy lahy nanafika mpivarotra, zazavavy iray maty voatifitra



Jacaranda

Nitrangana fanafihan-jiolahy mitam-piadiana nandatsahana ain’olona tsy manan-tsiny sy nahaverezana volabe indray tany Mananjary, afak’omaly alina. Mpivarotra iray ao amin’ny fokontany Anivorano, any amin’ny kaominina Ambanivohitra Tsiatosika,  no notafihana dimy lahy tsy nisaron-tava, ka voaroba tamin’izany ny vola mitentina iray tapitrisa Ariary, niampy entam-barotra maromaro izay zakan’ireo olon-dratsy. Maty tsy tra-drano novonoin’ireo jiolahy ihany koa ny zazavavy iray zanak’ity mpandraharaha voatafika ity. Araka ny fampitam-baovao voarainy tany ifotony, dia fantampantatr’ izy mivady ny iray tamin’ireto nahavanon-doza, satria mpividy entana ao amin’izy ireo ihany. Ny borigadin’ny Zandary ao Mananjary no mandray an-tànana ny raharaha sy manao ny fikarohana an’ireo olon-dratsy. Ny Kaominina Ambanivohitra Tsiatosika moa dia 32km miala ao Mananjary Renivohitra, amin’ny lalam-pirenena faha-11 raha hiazo ny distrikan’ i Nosy Varika iny.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.