Vehivavy malagasy nalefa hiasa any Koweit : Miharitra ny mafy, iray maty, 80 mifonja, misy 16 marary saina


“Sahin’ireo mpibizina nandefa ireo vehivavy malagasy nofitahina noho ny tsy fananany ve izao ny mijery fitaratra sy ny fianakavian’ireo vehivavy ary ireo Malagasy mpiray tanindrazana aminy, amin’ny manjo ireo vehivavy nofitahina nalefa hovonoina sy ampijaliana lavitry ny fianakaviany any Koweit ireo…” izay no nambaran’ity ramatoa iray manana havana mijaly tsy tafody any Koweit, izay nihevitra ny hitady vola kinanjo fahoriana isan’andro no iainana. Nomarihany ihany niaraka tamin’ny porofo, araka ny fampitam-baovao ataon’ireo mpiasa vavy malagasy sasany any an-toerana, fa tovovavy malagasy iray no hita faty efa nivaingana tao anaty vata fampangatsiahana. Raha ny loharanom-baovao hatrany dia ny volana oktobra ny taona lasa no nitrangan’ity tranga famonoana olona ity, satria tamin’io fotoana io no niala tao amin’ilay trano ny mpampiasa ity tovovavy ity, ka nafindra avokoa ny entana afa-tsy ity vata fampangatsiahana ity ihany. Ilay mpanofa ny trano vaovao no gaga nahita izany sy nanokatra azy ka nahitana ity tovovavy malagasy maty efa nivaingana tao anatin’izany. Tsy fantatra ny nandefasana ilay fatin’ilay tovovavy malagasy, fa raha ny zava-misy aloha dia tsy nalefa aty Madagasikara izany faty izany, hoy hatrany ny angom-baovao natao. Ankoatra izay, araka ny nambaran’ity ramatoa ity amin’ireo loharanom-baovaony any amin’ireo Malagasy miasa any Koweit ireo, fa tsy latsaky ny vehivavy malagasy 80 nalefa hiasa any no nampidirina am-ponja noho ny antony tsy mazava sy noho ny fitakiana karama tsy omen’ny mpampiasa azy ireo. Manodidina ny 16 kosa no marary saina noho ny fahavoazana mahazo azy ireo araka asa sy ny fampijaliana andro aman’alina ataon’ny mpampiasa ihany koa.

Malala Didier

Suivez-nous aussi sur Facebook

Partager cette publication

2 Commentaires - Ecrire un commentaire

  1. Tu dis que tu sais parler le malgache pourquoi tu ne traduis pas toi même. Idiot. Des femmes malgache étaient venues travailler en koweit, alors que le patron de ses femmes là n’ont pas payé leur salaire, ou brutalisent leurs femme de menage comme imprévu. Quelqu’un avait mis un femme de menage malgache dans un congélateur. COCHON des KOWEITIENS. Il faut refaire l’ancienne tradition malgache OPK. Toute sort d’indien koweitien ou quoi que ce soient dans le pays.

  2. Mahay teny gasy aho. Tiako fo atao nareo amin’ny teny frantsay raha voasoratra io.

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.