Sambava : Vola 9 tapitrisa ariary, lasan’ny mpanendaka

Nambaran’ny Kaomisera vonjimaika eto Sambava taminay,  fa nendahan’ny mpanendaka ny volan’ny ramatoa iray mpitazona ny vola azo tamin’ny alim-pandihizana ; izay natao tao amin’ny tranom-pokonolona Sambava, ny volana janoary lasa teo iny. Roa lahy ireto mpanendaka volan’olona ireto, hoy izy ka ny iray mpanendaka ny vola ary ny iray mpamily ny moto mpitondra azy ireo mandositra. Teo ivelan’ny tranom-pokonolona no niandrasan’ilay mpamily moto ny namany iray mijoko ny ramatoa mpitazona ny volan’io alim-pandihizana io. Tamin’ny famotorana azy ireo no niaiken’izy ireto ny heloka bevava vitany sady nanambaran’izy ireo fa mpamonjy alim-pandihizana izy roa lahy ary efa tany koa izy ireo tamin’ny alim-pandihizana izay natao tao Ankazomihogo talohan’ny nahatrarana azy ireto. Mpiavy avy any Toliara sady efa nonina tao Fianarantsoa ireo mpanendaka ireo.

REMI, Rakotonirina

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.