Toliara : Tovolahy gadralava tra-tehaka nangalatra akoho, niharan’ny hatezeram-bahoaka

Jacaranda

Nitrangana fitsaram-bahoaka indray tany Toliara, omaly antoandro  tokony ho tamin’ny 11 ora sy sasany. Tovolahy iray 30 taona eo voalaza fa gadralava no tra-tehaka nangalatra akoho  efatra, tao amin’ny Fokontany Ankatsaka, ka naratra mafin’ny vono sy daroka niharan’ny hatezeram-bahoaka, ary saika nanaraka hatramin’ny ain-dehibeny mihitsy, raha tsy voalamina haingana ny raharaha. Raha ny fanazavana azo, dia teo am-pilanjana ireo akoho avy nangalariny saika hamaky ny fefy vala hazo hitsoahany ity mpangalatra ity, no nifanehitra tampoka tamin’ny tompon’ireo akoho, izay handeha hivalan-drano tamin’ny trano fivoahana ambadiky ny tranon’akoho. Raikitra ny hazolava (antso vonjy) ka nifanenjehana eran’ny tanàna ity mpangalatra ity, ary rehefa tratra izy dia nisy tamin’ireo mpiara-monina manodidina no nahafantatra, fa vao nivoaka ny fonja ny alarobia teo noho ny resaka halabotry sy vaky trano hatrany ity tovolahy sarona nangalatra akoho ity.  Tsy mety fay fa manohy hatrany ny asa ratsiny ity lehilahy gadralava ity, ka nanamparan’ny olona teo an-tanàna ny hatezerany, hoy ny vaovao.

Eric Manitrisa

Telma Fibre Vibe

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.