Sambava : Lahiantitra 60 taona tra-tehaka nangalatra lavanila

Jacaranda

Lahiantitra fotsy volo iray sahabo 60 taona eo no tra-tehaky ny miaramilam-pokontany nivarotra lavanila halatra tsy matoy, afak’omaly antoandro tokony tamin’ny 11 ora, tao Ambohimanarina Lokoho, Distrikan’i Sambava. Araka ny tati-baovao voaray, dia teo am-pitadiavana mpividy ity lahiantitra ity no nifanehatra tampoka tamin’ireo “quartier mobile”, ka nosamborina avy hatrany. Rehefa teny an-dalana hihazo an’i Sambava tampon-tanàna mba hatolotra ny mpitandro filaminana ity rangahibe ity, dia tafaporitsaka ka nifanenjehan’ny miaramilam-pokontany roalahy matanjaka nitondra azy, ary tany Amboangibe vao tratra.

Eric Manitrisa

Share This Post

One Comment - Write a Comment

  1. zao no porofo fa noana ny malagasy! olona 60 taona mbola maavita mangalatra

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.