Halatra volabe tao amin’ny Praiminisitra : Olona roa nofonjaina eny Tsiafahy, efatra eny Antanimora

Taorian’ireny resaka fahaverezana vola be tao an-tranon’ny Praiminisitra Mahafaly Solonandrasana Olivier andro vitsy lasa izay, dia fantatra izao fa nisy tokoa ny fanadihadiana nataon’ny mpitandro ny filaminana momba izany. Olona enina voarohirohy amin’ity raharaha ity no natolotra ny Fampanoavana, omaly alatsinainy 24 aprily. Tao aorian’ny fihainon’ny mpitsara azy ireo, dia lehilahy roa no nampidirina vonjimaika eny amin’ny toeram-pamonjana ireo mpanao heloka bevava eny Tsiafahy. Efatra kosa, izay vehivavy ny roa, no nampidirina eny amin’ny fonjaben’Antanimora.  Araka ny nambara tetsy ambony, dia halatra vola be no nanenjehana ireo olona ireo, saingy mbola tsy fantatra hatreto ny hoe : inona avy no andraikitra noraisin’ny tsirairay tamin’izy ireo tao anatin’izany ? Mbola mipetraka ho tsiambaratelo izany, satria toa mailo dia mailo ny mpanao fanadihadiana avy ao amin’ny Zandarimariam-pirenena  misahana ity raharaha ity ; amin’ny fanomezam-baovao mahakasika  ity raharaha ity.  Na izany aza anefa, nisy ihany ny loharanom-baovao nilaza, fa iray amin’ireo olona voarohirohy ireo no tsy lavitra an’ilay niharan’ny fandrobana. Ity olona ity no fantatra fa voasambotra  voalohany ary nahatrarana vola be amina miliara tany aminy. Andrasana araka izany ny tatitra izay omen’ny zandary mahakasika izao raharaha izao, fa zava-dehibe loatra ho an’ny Malagasy ny mahalala izany. Ilaina ny hisian’izany, satria araka ny feo mandeha dia vola ampolony miliara ity voalaza fa very tao an-tranon’ny Praiminisitra ity. Ity farany izay nilaza fa tsy marina io resaka io raha nanontanian’ny mpanao gazety momba izany. Voaporofo anefa ankehitriny fa nisy tokoa ilay izy matoa nisy ny olona nenjehina momba izany. Ny mampametra-panontaniana ny maro dia ny nahafahan’ny Praiminisitra mitahiry izany vola be izany any an-tranony sy ny fiavian’izany ary ny saika hampiasana azy.

T.M.

Suivez-nous aussi sur Facebook

Partager cette publication

8 Commentaires - Ecrire un commentaire

  1. efa tsisy ipetrahanizany vola beuh izany itsony nga any am banky

  2. anjaran’ny 73 députés zany reo vola reo ko

  3. Volam-mpanjakana io ka aoka hanolo izay manary.
    Dia mbola nisy anizany vola miliara maromaro izany koa tao aminy rehefa avy nandoa 50millions ariary isaky ny député miisa 79 izy? Ny ampitsony fizarana vola tao @ paon d’or ivato mantsy io vola nolazaina fa 12milliards io no hoe very tao antranony.
    Raha atao ny compte de raha enao hoe vola avy aiza ho an’iza atao inona si antranano sa dia efa niitady ka nahita loza, sady very vola no maty henjika.

  4. Hazavao ny momba ilay vola Solo a ! Aza misalasala milaza ny marina fa aza afenina, araka ilay filamatra moa e !

  5. Efa maro ireo afera maloto nahitàna hatrany ny anarana Solonandrasana.
    Tsy mbola nisy mihitsy fakàna am-bavany azy fa dia lasa rano daholo.
    Tsara sy mendrika ny hetsika ataon’ny 13 Mai ka tsy fotsiny hoe : Misy miala ao Iavoloha ihany fa koa
    Misy Volera ao Mazorivo, TETITETEO FA RATSY FANAHY.

  6. Izao izany tratra ireo izay ahiana fa nangalatra .. Ny tokony tsy ho adino koa dia ny fanaovana fanadiahadiana ny Praiminisitra an’iza ilay vola ? fa ahoana no any an-trano fa tsy any amin’ny banky ? sns… satria dia tena mampiaiahy be ihany ilay fitrangan-javatra.

  7. Raha ny hita eto aloha dia ankoatr’ity raharaha mavesatra ity, dia mbola eo koa ny raharaha Claudine izay mahavoatonotonona anaran’olona ambony iray, toa sarotsaronana ihany. Fa inoana fa dia hivoaka amin’izay izany amin’ity tolom-bahoaka ity ! …tena mafana leireto a !

  8. Ny mampametra-panontaniana ny maro dia ny nahafahan’ny Praiminisitra mitahiry izany vola be izany any an-tranony sy ny fiavian’izany ary ny saika hampiasana azy.

Poster un commentaire