Manakara : Anti-bavy novonoin’ny mpiasany, voaroba vola 7 hetsy Ariary



Jacaranda

Noho ny firongatry ny tsy fandriampahalemana misy sy ny asan-jiolahy manjaka ankehitriny amina faritra maro eto amintsika (na ambanivohitra io na an-tanànan-dehibe), dia mahatsiaro tena ho tsy voaaron’ny fanjakana noheverina ho Raiamandreny intsony ny olona sy ny fananany. Afak’omaly alina, tany Lokomby Distrikan’i Manakara, dia ramatoa be iray mpivarotra izay efa maty vady, miara-mipetraka amin’ny mpiasany, no notsatohan’ny mpiasany antsy sady norobain’ity farany nentiny nitsoaka ny lelavola fito hetsy Ariary. Rehefa nahita an’ity vaviantitra nitolefika tamin’ny tany nihosin-drà ity lehilahy mpanampiny sahabo  ho35 taona eo ity, ary nihevitra ity farany fa maty noho ny tsatokaa  antsy in-telo nataony ilay renim-pianakaviana. Mbola nahatsiaro tena anefa ny niharam-boina ka niezaka niantso vonjy. Nentina namonjy hopitaly ramatoa be ary mbola miady mafy amin’ny fahafatesana amin’izao. Karohina fatratra kosa ilay mpiasa fangolika, izay tsy mbola hita hatramin’izao ny toerana misy azy, hoy ny vaovao.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.