Ampefy : Telo lahy navadiky ny rano, tsy hita popoka



Jacaranda

Hatramin’ny omaly, fotoana farany nanamarinana ny vaovao, dia mbola tsy hita popoka ireo telo lahy navadiky ny lakana. Ny asabotsy teo, manodidina ny tamin’ny dimy ora hariva no nitranga ny loza teo Antorapasika, tanàna iray manamorona ny farihin’Itasy. Avy nitoto vary izy ireo ary heverina fa handeha hamonjy fodiana no io niharan-doza io. Ny andron’iny ihany, dia efa natomboka ny fikarohana izay tsy maintsy najanona rehefa maizina ny andro. Nitohy omaly izany ary mbola tsy nahitam-bokany hatrany. Nanonja be ny farihin’Itasy ary izay hatreto no nahatonga ny lakana  nitondra azy ireo ho nivadika. Mponina eo Antorapasika, toerana nitrangan’ny loza ihany, izy telo lahy ireo, raha araka ny fanampim-baovao azo. Tsy dia mateti-pitranga ny toy izao ao amin’io farihy io, ary indrindra koa efa hain’ny tompon-tany ny fotoana fihetsehan’ny rano. Mitohy hatrany ny fikarohana ireo olona.

D.R

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.