Miandrivazo : Zandary iray rotiky ny balan’ny dahalo

Jacaranda

Misesy ny fahafatesan’ny zandary teo am-panatontosana ny asany. Raha vao ny asabotsy teo no nisy roa izay nomem-boninahitra farany tamin’ny lanonana ara-miaramila mifandraika amin’izany, ny ampitson’iny dia efa nisy iray hafa  lavon’ny bala ny zandary. Tokony ho tamin’ny efatra maraina teo amin’ny kizo atao hoe Behoro (Miandrivazo) no raikitra ny fifampitifirana. Nanao fanarahan-dia, toY ny mahazatra, niaraka tamin’ny fokonolona ilay zandary sy ny namany rehefa nisy ny halatr’omby  nitranga tao amin’ny fokontany Antanambao. Adiny enina taty aoriana, voatery tsy maintsy nampiasa lakana ireo mpanara-dia ary teo am-pakàna izany indrindra no nohararaotin’ny dahalo izay niery tao anaty lobolobo notifirina. Voa teo amin’ny lohany, ny tongony ary ny vatany, izany hoe rakotra bala ilay zandary kilasy faharoa antsoina hoe Tsimiampiky. Tafaporitsaka tao anatin’ny haizina ny ankamaroan’ireo jiolahy. Na izany aza, tamin’ity ady ity dia nisy dahalo enina naratran’ny bala. Nisy koa anefa ny lehilahy iray izay avy amin’ny fokonolona, isan’ny namoy ny ainy rehefa voatifitry ny dahalo. Misesy araky ny voalaza etsy ambony ny fahafatesan’ny mpitandro ny filaminana any amin’ny faritra misy dahalo. Ny tsikaritra dia efa manomboka tsy mitovy intsony ny hery eo amin’ny roa tonta. Sady efa maro an’isa ireo dahalo no mitondra fitaovam-piadiana  tsy mifanalavitra amin’ny an’ny mpitandro ny filaminana koa.

D.R

Telma Fibre Vibe

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.