Moramanga : Tovolahy niady tamin’ny rafilahiny teny an-dalambe, maty voahitsaky ny fiara

Nitrangana lozam-pifamoivoizana nahafatesana olona indray tao Moramanga tampon-tanàna, omaly naraina, ka tovolahy iray no maty tsy tra-drano nihosin-drà voahitsaky ny fiara, teo amin’ny hazo midoroboka manoloana ny Lapan’ny Tanàna, sampanana mankany Ambatondrazaka. Raha araka ny tati-baovao voaray avy any an-toerana, dia nifamaly sy niady tamina lehilahy iray rafilahiny ity tovolahy namoy ny ainy ity ; izay voalaza fa mamo vao maraim-be. Nandritra ny sakoroka, dia natosik’ ilay nifamaly taminy teo am-povoan’arabe izy, ka voahitsaky ny fiara, ary maty teo no ho eo, hoy ireo nanatri-maso ny loza. Handeha hamonjy sy hijery matso fankalazana ny fetim-pirenena no nialan’ity tovolahy ity ny trano. Teny an-dàlana anefa izy, dia nifanena tamin’ity voalaza fa rafilahiny ity, ka rafitra ny fifamaliana niafara tamin’ny ady sy fifanositosehana teny an-dalambe, teo amin’ny roa tonta.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.