Sempama-nosy sampana Toamasina : Nidina an-dalam-be ireo mpampianatra sy mpanabe omaly



Jacaranda

“Tsy mahavelona anay ny lakromezana, tsy mahatotra lakrimozena ny mpampianatra, raha tsy vita ny fanadinam-panjakana sy ny fanadinana isaky ny sekolim-panjakana dia ny fanjakana sy ny minisiteran’ny fanabeazana ihany no antony…”, isan’ireo hiakiakiana nataon’ireo mpampianatra sy mpanabe mivondrona eo anivon’ny Sempama-Nosy sampana Toamasina nitety arabe teto Toamasina tampon-tanana izany omaly zoma misandratra andro. Vao maraina dia nifanao fotoana teo anoloan’ny biraon’ny talem-paritry ny fanabeazam-pirenena Atsinanana ireto mpampianatra sy mpanabe ireto. Nisy nandritra izany ny antsoantso nataon’izy ireo ho an’ny talem-paritra sy fiantsoana ihany koa ireo mpiasa tao ny hanaraka ny fitokonan’ny mpanabe sy ny mpampianatra. Nisy koa ny fitondran’izy ireo ny hafatra ho an’ity talem-paritra ity  teny anivon’ny minisiteran’izy ireo ny tsy faneken’izy ireo ny zava-misy sy ny tery vay manta ary ny fomba fanaovana tsinontsonina ny mpanabe malagasy. Taorian’izay dia nitanjozotra nanao Diabe nihazo ny biraon’ny Sisco Toamasina I sy Sisco Toamasina II izay samy eto an-tampon-tananan’i Toamasina ireo mpanabe sy mpampianatra an’arivony ireto nitaona ny namany sy nitondra hafatra ho ireto lehiben’ny Sisco roa ireto ihany koa. Nisy ny sora-baventy narantin’izy ireo nandritra izany nampahalalan’izy ireo ny fitakiany ho fantatry ny rehetra sy ny ray aman-drenin’ny mpianatra. Ho azy ireto anefa dia “fitakiana voavaly ara-dalana, fampianarana mandeha”.

Malala Didier

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.