Tsihombe : Roa lahy tra-tehaka nangalatra osy 12 isa, saika nodoran’ny fokonolona velona



Jacaranda

Leom-boan’anana amin’ny firongatry ny halatra osy sy ondry any amin’ny faritra Androy ny mponina, ka izay olon-dratsy tratra, raha ny fanazavana azo, dia iharan’ny hatezeram-bahoaka avokoa mba ho anatra ho any hafa. Afak’omaly, tany Anjampaly, distrikan’i Tsihombe, dia roalahy tratra ambodiomby nangalatra osy niisa 12 no naratra mafy niharan’ny fitsaram-bahoaka, ary saika nodoran’olona velona avy eo. Nandrara izany fomba mamohetra izany anefa ny tompon’ireo biby fiompy. Araka ny tati-baovao voaray, dia teo am-pamoahana an’ireo osy tao am-bala, ny naraimben’ny talata teo, tokony ho tamin’ny dimy ora izy roalahy no tra-tehaka, tafaporitsaka kosa ny naman’izy ireo fahatelo, izay mbola karohina fatratra hatramin’izao. Rehefa voafatotra tongotra aman-tanana tsy afa-nanohitra intsony ireo dahalo, dia raikitra avy hatrany ny vono sy daroka nataon’ny fokonolona an’ireo mpangalatra voasambotra. Tezitra mafy ny zanaka lahimatoan’ny tompon’osy raha nahita fa mponina eo an-tanàna ihany ny jiolahy iray, ka naka antsibe ary nanapaka ny tanana havanan’ ilay dahalo.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.