Ambatofinadrahana : Vehivavy bevohoka nodoran’ny dahalo tao an-tranony



Jacaranda

Mandravarava sy manao habibiana tsy roa aman-tany ny dahalo mitam-basy any amin’ny distrikan’ Ambatofinandrahana, faritra Amoron’i Mania. Afak’omaly alina, vehivavy iray mitondra vohoka no novonoin’ny dahalo, ary nodoran’ ireo tsy mataho-tody tao an-trano fonenany, tao Ampanaovapoara. Araka ny tati-baovao voaray, rehefa avy nandroba toeram-pivarotana miisa telo ary nifaoka ny entam-barotra ireo dahalo, dia nampihorohoro ny mponina teo an-tanàna, ary niverina niditra indray tao amin’ity fivarotana sady tokantrano iray vao avy notafihan’izy ireo, ka namono tamin’ny fomba feno habibiana an’ilay renim-pianakaviana tompon-trano nitondra vohoka. Rehefa maty ity farany dia nodoran’ireo mpanani-bohitra ny tranony. Fa omaly antoandro kosa, tao an-tanànan’ Ambohibato, fokontany Ambatoharanana, dia omby miisa enina izay nitaona biriky no nalain’ny dahalo.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.