Analaiva : Olona telo maty voatifitry ny dahalo

Jacaranda

Tsy lasa lavitra ireo mpanafika dia voasambotra noho ny fisian’ilay hetsika manokana ataon’ny zandary amin’izao fotoana izao. Nisy fanafihan-dahalo narahana vono olona tokoa mantsy tao Ankiofio, ao amin’ny fokontany Andranovolotarehitra, kaominina Analaiva, distrika Morondava. Olona telo no maty voatifitr’ireo olon-dratsy, izay miisa dimy tamin’io fotoana io, nitondra basim-borona roa sy zava-maranitra. Nitsoaka avy hatrany ireto mpanafika raha vao vantany vao nahazo ny zavatra nilainy. Taorian’io vao afaka niantso vonjy ireo voatafika ary tonga haingana teny an-toerana ireo zandary ao anatin’ny hetsika « Mandio » izay avy hatrany dia nanenjika ireto olon-dratsy. Vokany, telo tamin’ireo olon-dratsy no voasambotra. Azo teny an-tanan’izy ireo kosa ny basy nentin’izy ireo nanafika tamin’io fotoana io. Mbola mitohy kosa ny fikarohana ireo naman’izy ireo hafa tafatsoaka.

m.L

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.