Antsahakely- Antsirabe : Masinin-kazo iray nirehitra

Omaly alarobia maraina be tokony ho tamin’ny 3 ora maraina, nanomboka nirehitra ny orinasa mpanao sy mpivarotra hazo ao Antsahakely Antanivao Antsirabe. Ny setroka sy afo no nanaitra ny tompon-trano. Tsy fantatra mazava ny niandohan’ny afo, raha ny resaky ny olona teny amin’ny manodidina, dia afo avy tamin’ireo olona nitana afo tao amin’ny masinina no niandohan’ny firehetana. Ny fanomezan-tanan’ny fokonolona maro be no nahafaty ny afo sy  tsy nitaran’izany, soa fa voafehy aloha ny afo, fa raha tsy izay dia zava-doza no nitranga, satria masinin-kazo roa no mifanakaiky eo amin’io toerana nisian’ny loza io. Mateti-pitranga ny hain-trano teto Antsirabe tato ho ato izay, ary matetika tsy fitandremana no mahatonga azy. Ireo trano hazo hatrany no tena lasibatra. Ny tanànan’Antsirabe anefa tsy mbola manana ireny fiara mpamonjy voina ireny. Andrasan’ny maro ny fahatongavan’izy io, satria efa nilokaloka sy nanome toky teo imasom-bahoaka  ny ben’ny tanàna Paul Razanakolona, fa tsy maintsy ho avy izy io, saingy tsy hita akory hatramin’izao. Raha tsiahivina, nilaza ny ben’ny Tanana, fa herinandro taorian’ilay hain-trano mahatsiravina nitranga tao Mahazoarivo, ny 25 aogositra lasa teo no ho avy ilay fiara, saingy tsy hita hatramin’izao.

Andry N.

Suivez-nous aussi sur Facebook

Partager cette publication

Un Commentaire - Ecrire un commentaire

  1. 3 candidat vient d antsirabe…

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.