Ady amin’ny dahalo : Tafajoro ny fikambanana Voromahery ao Ambovombe-Centre

Jacaranda

Eo  anoloan’ny tsy fahandriampahalemana misy, dia tsy miraviravy tànana ny mponina any amin’ny kaominina Ambovombe-centre, distrikan’i Manandriana, faritra Amoron’i Mania.

Ho fanamafisana ny rafitra efa misy, dia tafajoro ny fikambanana Voromahery. Ny tanjon’izao ezaka izao, hoy ny filohan’ny fikambanana Voromahery, dia ny hampivondronana ny hery rehetra amin’ny ady amin’ny tsy fahandriampahalemana sy ho fanamafisana hatrany ny fiaraha-miasa eo amin’ny fokonolona sy ireo mpitondra fanjakana, fa indrindra ihany koa, ireo mpitandro ny filaminana. Ho porofon’izany, na dia fotoana vitsy monja aza no naha- tafajoro ny fikambanana Voromahery, dia efa nisy sahady  ny vokatra azo, amin’ny fisamboarana dahalo roa lahy, ka efa natolotra an’ireo mpitandro ny filaminana.

Mazava ho azy,fa ny hetahetan’ireo mpikambana ao anatin’ny fikambanana Voromahery, dia ny hanamafy hatrany ny fiaraha-miasa efa natomboka amin’ny fanjakana amin’ny famondronana ny hery rehetra lavitra ny kolikoly, ka ny tanjona farany dia ny fametrahana  fandriampahalemana maharitra ao anatin’ny kaominina Ambovombe-centre, eny  hatramin’ny distrika manontolo aza.

Anastase

Share This Post

2 Comments - Write a Comment

  1. Misaotra sy mankahery anareo manokana aho .Antoky ny Fandrosona n’y Fandriampahalemana .Soa Fianatra manerana an’i Madagascar Ianareo . Misaotra tompoko.

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.